Rreth meje: 

Unë jam Zebura Shabani, studente e vitit të parë në programin Mjekësi Veterinare në Universitetin e Prishtinës. Aftësitë personale në lëndët që ofroj qëndrojnë në zotërimin e thellë të tyre, gjë që më jep aftësi të shkëlqyera për t’i shpjeguar në mënyra të ndryshme, varësisht nga aftësitë dhe niveli i studentëve që ndjekin lëndët.

Metodat e mësimdhënies janë shumë të rëndësishme dhe ndikojnë drejtpërdrejt në lehtësimin e të kuptuarit të lëndës përkatëse. Konsideroj të rëndësishme përdorimin e materialeve vizuale gjatë ligjërimit, pasi, siç dihet, pamja figurative ngelet në memorje shumë më lehtë dhe më gjatë se një ligjërim apo fjalim pa prezantim vizual.

Si rrjedhojë, PowerPoint dhe Whiteboard në Zoom do të jenë metodat e përzgjedhura. Duke u bazuar në përvojën time personale gjatë shkollimit, si dhe në ndjekjen e kurseve dhe seminareve të ndryshme, dhe duke përdorur metoda të lehta dhe të thjeshta për t’u kuptuar nga studentët, rezultatet janë reale dhe të garantuara në rritjen e kapacitetit të studentëve, madje edhe mbi nevojat dhe kërkesat bazike të nivelit klasor-shkollor të tyre.

Disa nga arritjet e mia në këto lëndë pas diplomimit të shkollës së mesme në Qendrën e Kompetencës në Ferizaj, si dhe përfundimi i kurseve për përforcimin e tyre, përfshijnë çertifikata të nivelit B1 në institutin Goethe dhe nivelin C1 fillestar në gjuhën angleze.

Lëndët që mund të ligjëroj janë:

• Gjuha angleze dhe gjermane për klasat 1-12
• Kimi për klasat 6-12