Si e diplomuar në drejtimin Matematikë e Përgjithshme, ofrimi i kësaj lënde është shfaqje e aftësive të mia të marra gjatë viteve të studimit. Nxënësit të cilëve do të kem mundësinë t’ju ligjëroj Matematikë, do të mund t’i arrijnë rezultatet e mira përmes detyrave dhe ushtrimeve, me theks të veçantë jashtë orarit të ligjërimit, përveç atyre që do t’i zgjidhim së bashku.

Studimin e kam përfunduar si bursiste në Pecs të Hungarisë, ku zelli i madh për mësimnxënien e matematikës më çoi atje. Lëndët në të cilat jam testuar kanë qenë nga ato bazike, që i përkasin gjeneratave që pretendoj t’i ligjëroj (pra klasa 1 deri në 9), e deri tek ato më komplekse dhe të avancuara. Tani vijoj certifikimin për kontabiliste në Shoqatën e Kontabilistëve dhe Auditorëve të Kosovës, si dhe certifikimin ndërkombëtar të softuerit QuickBooks.