Rreth Meje:

Unë jam Gabriel Simoni, 27 vjeçar, dhe jam nga komuna e Gjakovës, ku kam përfunduar shkollimin fillor dhe të mesëm. Bachelorin e kam kryer në Fakultetin e Shkencave Matematiko-Natyrore në Universitetin e Prishtinës, me drejtim Biologji, ndërsa Masterin në Fakultetin e Edukimit, me fokus në Biologjinë Arsimore.

Posedoj aftësi të mira komunikative dhe njohuri të thella në lëndën e Biologjisë, pasi kam studiuar këtë shkencë si në shkencat natyrore ashtu edhe në arsim. Studentët e mi do të kenë një ambient pozitiv dhe të rehatshëm ku mund të shprehen, të mësojnë, dhe të kërkojnë çdo informacion që u nevojitet lidhur me Biologjinë.

Dua të theksoj se orët mësimore nuk do të jenë thjesht ligjërata nga ana ime; do të përpiqem të krijoj sa më shumë aktivitete interaktive. Studentët do të jenë në qendër të vëmendjes, siç thekson edhe Kurrikula. Do të përdorim foto dhe video të ndryshme, prezantime, detyra stimuluese dhe motivuese për Biologjinë, si dhe lojëra me temë biologjike, për t’i nxitur ata të mësojnë nëpërmjet lojës.

Nga ky kurs pritet që studentët të fitojnë njohuri të përgjithshme në Biologji, të forcojnë njohuritë ekzistuese, si dhe të mësojnë informacione të reja dhe aktualitete të shkencës. Unë do të ligjëroj për të gjitha klasat, si ato fillore ashtu edhe ato të mesme, duke përfshirë edhe studentët që janë të interesuar për kurse përgatitore për fakultetin e mjekësisë dhe për drejtimet e Biologjisë dhe Kimisë.