Quhem Gramoz Sopa dhe kam përfunduar me sukses studimet në Fakultetin e Shkencave Matematike-Natyrore, në Departamentin e Gjeografisë. Aktualisht, jam duke vazhduar studimet në nivelin master në të njëjtën fushë, duke thelluar njohuritë e mia në gjeografi. Gjatë viteve të studimit dhe eksperiencës sime, kam zhvilluar aftësi të forta në komunikim dhe mësimdhënie, si dhe kam krijuar një diapazon të gjerë njohurish dhe metodash për mësimdhënie dhe mësimnxënie efektive. Përkushtimi im ndaj edukimit dhe pasioni për gjeografinë më motivojnë të vazhdoj të përmirësoj metodat dhe qasjet e mia në mësimdhënie.

Gjatë karrierës sime, kam punuar në Sistemin e Adresave në Komunën e Podujevës, ku kam përfituar përvojë të vlefshme në menaxhimin dhe përditësimin e të dhënave gjeografike. Puna ime në këtë fushë më ka ndihmuar të zhvilloj aftësi të shkëlqyera në përdorimin e programeve të ndryshme të sistemit të informacionit gjeografik si ArcGIS Pro, QGIS, Geomedia, MapInfo dhe shumë të tjera. Kam fituar një njohuri të thellë në krijimin e hartave tematike dhe analizën e të dhënave hapësinore.
Gjithashtu, kam përvojë pune me dy kompani te ndryshme gjeodezike (GeoConsultPr SH.P.K. dhe GeoGroup SH.P.K.), ku kam marrë pjesë në matjen dhe përdorimin e instrumenteve gjeodezike si GPS, GNSS dhe Stacioni Total. Kam kryer fluturime me dronë për mbledhjen e imazheve ajrore dhe kam zhvilluar aftësi në krijimin e modeleve 3D, procesimin dhe post-procesimin e këtyre imazheve. Puna ime me dronë dhe instrumente të tjera teknologjike më ka lejuar të krijoj produkte të detajuara dhe të sakta që ndihmojnë në analizën dhe zgjidhjen e problemeve gjeografike.