Rreth Meje: 

Aftësitë e mia: Jam e aftë të jap mësim në lëndët e matematikës, fizikës dhe kimisë për gjeneratat nga klasa e 6-të deri në klasën e 12-të. Kam përvojë të thellë në këto fusha dhe jam vlerësuar për njohuritë e mia, duke fituar vendin e parë në garat komunale të matematikës dhe fizikës për tre vite radhazi gjatë shkollës së mesme.

Metodat e mësimdhënies: Në mësimdhënien time, fillimisht do të fokusohem në shpjegimin e teorisë së nevojshme për të kuptuar konceptet kryesore. Megjithatë, në pjesën më të madhe të kohës do të përqendrohem në zgjidhjen e detyrave praktike, pasi kjo metodë ndihmon në konsolidimin e njohurive dhe zhvillimin e aftësive analitike të studentëve.

Rezultatet e pritshme: Nxënësit mund të presin që të përvetësojnë teoritë kryesore që janë thelbësore për lëndët, por mbi të gjitha, të fitojnë aftësi të forta në zgjidhjen e problemeve dhe detyrave. Me këtë qasje, ata do të jenë të përgatitur për të përballuar çdo test për shkak të zhvillimit të qasjes logjike dhe të strukturuar ndaj detyrave.

Edukimi dhe çertifikimet: Aktualisht jam në vitin e tretë të studimeve për Inxhinieri Kompjuterike dhe Softuerike në Fakultetin e Inxhinierisë Elektrike dhe Kompjuterike. Kjo përgatitje më ka ndihmuar të zhvilloj një qasje të thelluar ndaj matematikës dhe shkencave natyrore, të cilat i aplikoj në mësimdhënien time.

Lëndët dhe klasat që mund të ligjëroj: Ofroj mësim në matematikë, fizikë dhe kimi për nxënësit nga klasa e 6-9, si dhe për klasat 10-12. Këto lëndë i mësoj duke u përqendruar në përgatitjen për provime dhe zhvillimin e aftësive praktike që do t’u shërbejnë nxënësve në të ardhmen.